Այստեղ դուք կծանոթանաք աշխարհի հնագույն ժողովուրդներից մեկի մշակույթին և ավանդույթներին: Հայաստանի մայրաքաղաք Երևանը աշխարհի հնագույն քաղաքներից է, որը կառուցվել է Հռոմից 29 տարի առաջ։ Հայաստանը ՅՈՒՆԵՍԿՕ-ի համաշխարհային ժառանգության բազմաթիվ օբյեկտների տունն է: Դրանք են Էջմիածնի վանքի տաճարները, Զվարթնոցի հնագիտական համալիրը, Գեղարդի վանքը և այլն…

Numbeo ծառայության կատարած հետազոտությունների համաձայն՝ Հայաստանը հանցավորության ամենացածր մակարդակ ունեցող երկրների շարքում է։ Երևանը Եվրոպայի ամենաանվտանգ քաղաքների տասնյակում է. Այստեղ փողոցներում հազվադեպ կտեսնեք հարբած կամ անօթևան մարդկանց։ Ուշ ժամերին կարող եք անհոգ ման գալ, քանի որ այստեղ դուք կարող եք հույս դնել պատահական անցորդների անշահախնդիր օգնության վրա, ովքեր երբեք անտարբեր չեն ուրիշների դժբախտությունների նկատմամբ:

Հին խոհանոցային ավանդույթներով հարուստ խոհանոցը, որի հիմքում դրված է էկոլոգիապես մաքուր մթերքները, զուգորդված բնածին ազգային հյուրընկալության հետ, Հայաստանը դարձնում է դրախտ գուրմանների համար:

Իհարկե, Հայաստանում ծով չկա. Բայց նա այնքան բազմազան է և հետաքրքիր այլ առումներով, որ դրա կարիքը չեք ունենա: Բնասերներին զարմացնում է լեռների վեհությունը, որոնց լանջերը մեկ քարքարոտ են, մեկ էլ ծածկված են խիտ անտառներով կամ ալպիական մարգերով։ Կան գեղատեսիլ ձորեր, լեռնային գետեր և ջրվեժներ, և իհարկե, երկրի մարգարիտը՝ Սևանա լիճը։

Շատ երկրներ կորցրել են տրանսպորտում իրենց տեղերը զիջելու կանոնը, բայց ոչ Հայաստանում, և ոչ միայն տարեցների ու հաշմանդամների համար։ Եթե հայը օգնության խնդրանք է ստանում (կամ պարզապես դրա կարիքը ունեցող նույնիսկ անծանոթ մարդու է հանդիպում), նա չի հանգստանա, քանի դեռ չանի ամեն ինչ՝ նրան օգնելու համար։ Նույնիսկ Ձեր լեզվի չիմացությունը կամ իր ժամանակի սղությունը չեն խոչընդոտի նրան այդ հարցում:

Մեր երկիր մուտք գործելու համար պետք չէ անհանգստանալ վիզայի ձևակերպումների մասին, քանի որ շատ քաղաքացիների համար, ինչպիսիք են՝

• Ռուսաստանը և հետխորհրդային երկրները,
• Մեծ Բրիտանիան և Եվրամիությունը,
• ԱՄՆ-ը և ամբողջ արևմտյան կիսագունդը,
• Ավստրալիա, Օվկիանիա և Հարավարևելյան Ասիա

գործում է առանց վիզայի ռեժիմ, կամ վիզա է տրվում օդանավակայանում